Política de privacidade

Responsable do tratamento

Concello do Grove · CIF P3602200B · Praza do Corgo, 1, 36980 O Grove (Pontevedra). Contacto para protección de datos: rexistro@concellodogrove.es.

Esta política aplícase á web www.festadomarisco.es e á app para visitantes app.festadomarisco.es.

Que datos tratamos e para que

  • Formulario de contacto: nome, correo electrónico, asunto e mensaxe, para responder á túa consulta. A mensaxe envíase por correo electrónico á oficina de turismo do Concello e gárdase na web. Por seguridade, e para evitar abusos, rexístranse tamén a data e o enderezo IP desde o que se envía.
  • Comentarios nas noticias: nome, correo electrónico e texto do comentario, para moderalo e publicalo. Só se publican o nome e o comentario, unha vez aprobado; o correo non se amosa nunca. Rexístranse tamén a data e o enderezo IP.
  • Sorteos da app: nome, teléfono e, se queres, usuario de Instagram, para xestionar o sorteo e avisar a quen gañe, segundo as bases de cada sorteo. Só se admite unha participación por teléfono e, para evitar participacións masivas, rexístrase o enderezo IP. Se gañas, publícanse unicamente o teu nome de pía e, se o deches, o teu usuario de Instagram; o teléfono non se publica nunca.
  • Lista da carta: os produtos que engades á lista gárdanse só no teu navegador (cookie pedido, 24 horas) para amosarche o código QR que ensinas no posto. Non é un pedido en liña: non se garda na web nin se pide ningún pagamento nin dato persoal.
  • A túa localización no mapa da app: só se premes o botón de localización, o navegador pídeche permiso e usa a túa posición para amosarte no mapa. A posición non se envía á web nin se garda.
  • Estatísticas propias de visitas: contamos as páxinas que se visitan na web e na app, desde que tipo de dispositivo, navegador e idioma e desde que outra web se chega, sen cookies e sen gardar o enderezo IP nin os datos do navegador. Para contar visitantes distintos úsase un código que cambia cada día e que non permite identificar a ninguén nin seguilo dun día para outro. O detalle bórrase aos 90 días; só se conservan totais diarios.
  • Google Analytics: só se o aceptas no aviso de cookies, Google Analytics recolle datos da túa navegación (páxinas visitadas, dispositivo, localización aproximada) mediante cookies. Consulta a Política de cookies.
  • Rexistros técnicos: como en calquera web, o servidor rexistra de xeito automático o enderezo IP, a páxina solicitada e o navegador, por seguridade e para resolver erros.

Base xurídica

Para o formulario de contacto, os comentarios, os sorteos, Google Analytics e os servizos de terceiros, o teu consentimento, que dás ao marcar a caixa de cada formulario ou no aviso de cookies e que podes retirar en calquera momento. Para as estatísticas propias e os rexistros técnicos, o interese público na prestación, a mellora e a seguridade do servizo de información turística do Concello.

Canto tempo conservamos os datos

  • Mensaxes de contacto: o tempo necesario para atender a túa consulta e, despois, durante os prazos que esixa a normativa de arquivos e procedemento administrativo.
  • Comentarios: mentres estean publicados na noticia. Os que se rexeitan bórranse.
  • Sorteos: unha vez entregado o premio, bórranse o nome, o teléfono, o usuario de Instagram e a IP de quen non gañou. Os datos de quen gaña consérvanse o tempo necesario para xustificar a entrega do premio.
  • Estatísticas propias: detalle, 90 días; totais diarios sen datos persoais, de forma indefinida.

Podes pedir en calquera momento que se borren os teus datos (ver «Os teus dereitos»).

Destinatarios

Non se ceden datos a terceiros salvo obriga legal. Tratan datos por conta do Concello:

  • O provedor de aloxamento web.
  • Google Ireland Ltd., só se aceptas as cookies analíticas ou o mapa de Google Maps.
  • Curator.io, que amosa o muro de Instagram, só se aceptas os servizos de terceiros.

Ademais, para amosar tipografías, iconas, mapas e a cámara en directo, algunhas páxinas descargan recursos de Google Fonts, cdnjs (Cloudflare), jsDelivr, OpenStreetMap, Esri (ArcGIS) e a CRTVG. Estes servizos reciben o teu enderezo IP para poder enviarche o contido. Google e Cloudflare poden transferir datos aos Estados Unidos ao abeiro do Marco de Privacidade de Datos UE-EUA.

Os teus dereitos

Podes exercer os dereitos de acceso, rectificación, supresión, oposición, limitación do tratamento e portabilidade escribindo a rexistro@concellodogrove.es ou presentando unha solicitude no rexistro do Concello do Grove. Se consideras que non se atenderon correctamente, podes reclamar ante a Axencia Española de Protección de Datos (www.aepd.es).

Última actualización: setembro de 2026.